Home
બિઝનેસ
ઈરાન-ઈઝરાઈલ તણાવના લીધે શેરમાર્કેટ ધડામ, 15 મિનિટમાં 8 લાખ કરોડ થયા સ્વાહા..!

ઈરાન-ઈઝરાઈલ તણાવના લીધે શેરમાર્કેટ ધડામ, 15 મિનિટમાં 8 લાખ કરોડ થયા સ્વાહા..!

06:16 PM April 15, 2024 admin

Indian Share Market News : ઈરાન અને ઈઝરાયેલ વચ્ચે ચાલી રહેલા તણાવ વચ્ચે (Iran-Israel Tension News) સોમવારે શેરબજારમાં મોટો ઘટાડો જોવા મળ્યો હતો. શરૂઆતના કારોબારમાં સેન્સેક્સ 736 પોઈન્ટ ઘટીને 73,508 પર, નિફ્ટી પણ 234 પોઈન્ટ ઘટીને 22,285 પર પહોંચી છે. 12 એપ્રિલે અગાઉના ટ્રેડિંગ સેશનમાં નોંધાયેલા રૂ.399.67 લાખ કરોડની સરખામણીએ રોકાણકારોએ રૂ.8.21 લાખ કરોડ ગુમાવ્યા હતા. તે ઘટીને રૂ.391.46 લાખ કરોડ થયો હતો. ટાટા મોટર્સ, બજાજ ફિનસર્વ, ટાટા સ્ટીલ, બજાજ ફાઇનાન્સ, એનટીપીસી અને એસબીઆઈ જેવા શેરો આગળ હતા. શરૂઆતના કારોબારમાં સેન્સેક્સ 3 ટકા ઘટ્યો હતો. સોમવારે ટ્રેડિંગ પૂર્ણ થતા નિફટી 246.90 પોઈન્ટ ઘટીને 22,272.50 પહોંચી હતી. સેન્સસેક્સ 845.12 પોઈન્ટ ઘટીને 73,400 એ પહોંચ્યો હતી.

► BSE પર 52 સપ્તાહના નીચા સ્તરે આવ્યા 20 શેર

આજે 15 એપ્રિલે લગભગ 70 શેરો તેમની 52 સપ્તાહની ટોચે પહોંચી ગયા છે. તે જ સમયે, બીએસઈ પર 20 શેર શરૂઆતના ટ્રેડિંગમાં 52 સપ્તાહના નીચલા સ્તરે પહોંચ્યા હતા. 3,330 શેરોમાંથી માત્ર 415 શેર જ લીલા નિશાનમાં ટ્રેડ થઈ રહ્યા હતા. લગભગ 2,812 શેરો લાલ નિશાનમાં ટ્રેડ થતા જોવા મળ્યા હતા, જ્યારે 103 શેરો યથાવત રહ્યા હતા.

► આ શેર્સમાં થયો મોટો ઘટાડો

BSR પરના તમામ 19 સેક્ટોરલ ઈન્ડેક્સ લાલ નિશાનમાં ટ્રેડ થઈ રહ્યા હતા. કેપિટલ ગુડ્સ, બેન્કિંગ, ઓટો, આઈટી, ઓઈલ અને ગેસ શેરોમાં નોંધપાત્ર ઘટાડો જોવા મળ્યો છે. બીએસઈમાં કેપિટલ ગુડ્સ 610 પોઈન્ટ, બેન્કિંગ 695 પોઈન્ટ, ઓટો 584 પોઈન્ટ, આઈટી 236 પોઈન્ટ, ઓઈલ એન્ડ ગેસ 191 પોઈન્ટ ઘટ્યા હતા. વહેલી સવારના સત્રમાં શેરબજારમાં ઘટાડાને કારણે લગભગ 208 શેરોમાં નીચલી સર્કિટ જોવા મળી હતી, જ્યારે BSE પર 100 શેરોમાં અપર સર્કિટ જોવા મળી હતી.

► મિડકેપ, સ્મોલકેપની શું રહી સ્થિતિ?

BSE મિડકેપ ઈન્ડેક્સ 560 પોઈન્ટ ઘટીને 40,348 પર પહોંચ્યો, જે વ્યાપક નબળાઈ દર્શાવે છે. BSE પર સ્મોલ કેપ સ્ટોક ઈન્ડેક્સ 924 પોઈન્ટ ઘટીને 44,947 પર આવી ગયો હતો. NSEના ડેટા અનુસાર, FII એ શુક્રવારે રૂ. 8,027 કરોડની ઇક્વિટી વેચી હતી, જ્યારે DII એ રૂ. 6,341 કરોડના શેર ખરીદ્યા હતા.